‘ए’ डिभिजन लिगय् थौं निगू कासा, जावलाखेलयात पुलिसं त्याकल
कछलागा दशमी ११४२, मंसीर १३ सोमवाः
![](https://www.lahananews.com/sites/default/files/polish_0.jpg)
सहिद स्मारक ‘ए’ डिभिजन लिग फुटबलय् थौं निगू कासा जुइत्यंगुृ दु ।
न्हिने १ ता इलय् जुइगु न्हापांगु कासाय् न्युरोड टिम एनआरटी व ब्रिगेड ब्वाइज क्लब (बीबीसी) दथुइ धेंधेंबल्ला जुइ । थथेहे सनिलय् ४ ता ई जुया ४५ गू मिनेटय् जुइगु निगूगु कासाय् मच्छिन्द्र फुटबल क्लबं त्रिभुवन आर्मी क्लबलिसे म्हितिइ ।
थ्वयान्ह्यः म्हिगःया कासाय् जावलाखेल युथ क्लबयात १गू–०या गोल अन्तरं बुका नेपाल पुलिस क्लबं न्ह्यानाच्वंगु लिगय् न्हापांगु जित पिकाःगु दु ।
त्रिपुरेश्वरस्थित दशरथ रंगशालाय् पुलिसयात त्याका बिइत सुमन लामां निर्णायक गोल याःगु खः । थ्व जितलिसें पुलिसं निगू कासां ४ गू ल्याः मुंकुगु दु ।
मदिक्क निगूगु कासा बुइमाःगु जावलाखेलं ल्याःया खाता चायेके फूगु मदुनि ।
Categorized in कासा