‘ए’ डिभिजन लिगय् थौं थ्रिस्टारं एपिएफलिसे म्हितिइगु्
थिंला नवमी ११४२, मंसीर २६ आईतवाः
![](https://www.lahananews.com/sites/default/files/a%20divison%20ll_0.jpg)
सहिद स्मारक ‘ए’ डिभिजन लिग फुटबलय् थौं थ्रिस्टार क्लबं सशष्त्र प्रहरीया एपिएफ टिमलिसे म्हितेत्यंगु दु ।
थुगु कासा त्रिपुरेश्वरस्थित दशरथ रंगशालाय् सनिलय् ४ ता ई जुया ४५ गू मिनेटय् न्ह्याइ । न्ह्यानाच्वंगु लिगय् थ्रीस्टार थौं निगूगु जितया मालेज्याय् जुइ । थ्वयान्ह्यःया ३गू कासां ४ गू ल्याः जक मुंकुगु थ्रिस्टार क्लब धलःया ८गूगु थासय् दु ।
थौं एपीएफयात बुकेफूसा थ्रिस्टार धलःया ५गूगु थासय् थ्यनिइ । उखे, एपीएफ धाःसा लिगय् न्हापांगु जितया मालेज्याय् दु । एपीएफं सुरुवाती ३गू कासा क्वचाबलय् ल्याः मुने फूगु मदुनि ।
लिग अन्तर्गत म्हिगःया कासाय् हिमालयन शेर्पा क्लबयात ३गू–०या गोल अन्तरं बुका साविक त्याकामि मच्छिन्द्र क्लब धलःया शीर्ष थासय् थ्यंगु दु ।
४गू कासां १०गू ल्याः मुंकुगु मच्छिन्द्र क्लब मनाङ मस्र्याग्दी क्लबयात गोल अन्तरं लिउने लाका शिर्ष थासय् थ्यंगु खः ।
Categorized in कासा