वःगु २४ घण्टाया दुने ८४० म्ह कोरोना संक्रमितपि डिस्चार्ज जुया छेँ लिहावःगु दु ।

थ्व नाप आःतक २ लाख ४९ हजार १३२ म्ह डिस्चार्ज जुया छेँय् लिहावःगु दु। देय्न्यक सक्रिय संक्रमितपि आःतक ६ हजार ७४९ म्ह दु।

मन्त्रालयया कथं अःतक पीसीआर विधिपाखे १९ लाख ५ हजार ८२६म्हेसिगु परीक्षण याये धुकुगु दु। २४ घण्टाय् जम्मा ५ हजार ४३४ म्हेसिगु पीसीआर परीक्षण याःगु दु।

क्वारेन्टाइनय् च्वनाच्वपि ३६९ म्ह दु । कोरोना संक्रमणं २४ घण्टाय् थप स्वम्ह सी धुकुगु दु। थ्व नाप आःतक कोरोना संक्रमणािखे सीपि १ हजार ८१९ म्ह थ्यःगु दु।

Categorized in राष्ट्रिय