६७१४म्ह कोरोना संक्रमण पुष्टि, ६७१६म्ह संक्रमणमुक्त जुल
लहनान्यूज | कछलाथ्व पुन्ही ११४१,जेष्ठ १२ बुधवाः
नेपालय् लिपांगु २४घौ दुने मेगु ६७१४म्ह कोरोना संक्रमण पुष्टि जूगु दु । लिपांगु २४घौ दुने याःगु पीसीआर व एन्टिजेन परीक्षणय् मेगु ६द्वः व ७१४म्ह संक्रमण थपू जूगु स्वास्थ्य तथा जनसंख्या मन्त्रालयं जानकारी बिउगु दु ।
मन्त्रालयया सहायक प्रवक्ता डा. समिरकुमार अधिकारीया कथं देशय् थीथी थासय्या प्रयोगशालाय् याना १९द्व व ३०म्हया आरटी–पीसीआर विधिं नमून परीक्षण याःगु खः । पीसीआर परीक्षणया झ्वलय् ६द्वः व ६७७म्ह संक्रमित पुष्टि जूगु खः ।
अथेहे देय्या थीथी थासय् ३२२म्ह सित एन्टिजेन परीक्षण याःगु मन्त्रालयं न्ह्यथंग दु । गुकिइ ३७म्ह सित संक्रमण पुष्टि जूगु खः । मन्त्रालयया कथं ६द्व ७सः व १६म्ह संक्रमित संक्रमणमुक्त जूगु दु । अथेहे लिपांगु ईलय् १४५म्ह कोरोना हुनिं सीगु दु ।
