३७४९म्ह कोरोना संक्रमण, ३५६४म्ह संक्रमणमुक्त
लहानान्युज | अनलागा १२ ११४०,असोज २९ बिहीवाः
वःगु २४ घण्टाया दुने बिहीवाः थप ३७४९ म्हेसित कोरोना संक्रमण पुष्टि जुगु धका स्वास्थ्य तथा जनसंख्या मन्त्रालयं धाःगु दु।
थौं मन्त्रालयं ग्वसाः ग्वःगु नियमित कोरोना मिडिया ब्रिफिङय् प्रवक्ता डा जागेश्वर गौतमं थ्व नाप आःतक १ लाख २१७४५ संक्रमितपि थ्यःगु दु धका धाःगु दु। आःतक देय् यक सक्रिय संक्रमितपि ३६ हजार ५३३ म्ह थ्यःगु दु।
अथेहे वःगु २४ घण्टाय् जक ३५६४ म्ह कोरोना संक्रमणमुक्त जुया डिस्चार्ज जूगु दु। थ्व नाप सक्रमणमुक्त जूपि आःतक ८४ हजार ५१८ म्ह थ्यःगु दु।
मन्त्रालयया कथं आःतक पीसीआर विधिपाखे १२ लाख ३७ हजार ६३६म्हेसिगु परीक्षण याये धुकुगु दु। २४ घण्टाया दुने १६ हजार ५९८ म्हेसिगु पीसीआर परीक्षण याःगु खः।
आःतक क्वारेन्टाइनय् च्वनाच्वपि ४ हजार ८२५ म्ह थ्यःगु दु।
