१५७३म्हेसित कोरोना संक्रमण पुष्टि, ८८५म्ह डिस्चार्ज
लहानान्युज | अनलाथ्व एकादशी ११४०,असोज ११ आइतवाः
![](https://www.lahananews.com/sites/default/files/uu%20%2871%29_8.jpg)
नेपालय् थौं १५७३म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयया नियमित प्रेस ब्रिफिङया झ्वलय् थौं आइतवाः प्रवक्ता डा जागेश्वर गौतमं वःगु २४ घन्टाया दुने १५७३ म्हेसित कोरोना संक्रमण जूगु धका धाःगु दु।
प्रवक्ता डा गौतमया कथं थ्व नाप नेपालय् संक्रमितपि आः ७३ हजार ३९४ म्ह थ्यःगु दु।
२४ घन्टाया दुने १० हजार १२३म्हेसिगु पीसीआर परीक्षण याःगु खः । आइतवाः तक ९ लाख ८८ हजार ३२७म्हेसिगु पीसीआर परीक्षण याःगु खः ।
वःगु २४ घन्टाय् कोरोनामुक्त जूपि ८८५म्ह डिस्चार्ज जूगु दु। थ्व नाप नेपालय् कोरोनामुक्त जूपि ५३ हजार ८९८म्ह थ्यःगु दु।
मन्त्रालयया प्रवक्ता डा. गौतमया कथं आःतक आइसोलेसनय् च्वनाच्वपि १९ हजार १९ व क्वारेन्टाइनय् च्वनाच्वपि ६ हजार २ सय ८१म्ह दु धका धाःगु दु।
![](https://www.lahananews.com/sites/default/files/pictures/co1_0.jpg)
![](https://www.lahananews.com/sites/default/files/pictures/co32_0.jpg)