१३५६म्ह कोरोना संक्रमण पुष्टि, ८२३म्ह डिस्चार्ज
शोभा श्रेष्ठ | अनलाथ्व षष्ठी ११४०,असोज ६ मंगलवाः
![](https://www.lahananews.com/sites/default/files/co5_3.jpg)
नेपालय् थप १३५६ म्ह कोरोना संक्रमण पुष्टि जूगु दु । २४ घन्टाय् देय् यकं थीथी प्रयोगशालाय् याःगु परीक्षणय् १३५६ म्हेसित कोरोना संक्रमण खनेदुगु धका स्वास्थ्य तथा जनसंख्या मन्त्रालयं थौं मंगलवाः पत्रकार सम्मेलनय् जानकारी बिःगु खः ।
प्रवक्ता डा जागेश्वर गौतमं आःतक ६६ हजार ६३२ संक्रमितपि थ्यःगु दु धका धाःगु दु ।
अथेहे २४ घन्टाय् कोरोना संक्रमणमुक्त जूपि ८२३म्ह थ्यःगु दु धका धाःगु दु । थ्व नाप आःतक कोेरोना संक्रमण डिस्चार्ज जुपि ४८ हजार ६१म्ह थ्यःगु दु ।
मन्त्रालयया कथं आःतक पीसीआर विधिपाखे ९ लाख ४९ हजार ७७ परीक्षण याये धुकुगु दु । आःतक क्वारेन्टाइनय् च्वनाच्वपि ७ हजार १७१म्ह दु । अथेहे सक्रिय संक्रमितपि १८ हजार १४२म्ह दु।
Categorized in राष्ट्रिय