हैदरावादं दिल्ली क्यापिटल्सयात १५ रनं त्याकल
मनिष | अनलाथ्व चतुर्दशी ११ ४०,असोज १४ बुधवाः
![](https://www.lahananews.com/sites/default/files/h_1.jpg)
यूएईलय् जुया च्वंगु १३ क्वःगु संस्करणया इन्डियन प्रिमियर लिग (आईपीएल) अन्तर्गत सनराइजर्स हैदरावादं न्हापा त्याकूगु दु। थुगु सिजनया स्वक्वःगु कासाय् हैदरावादं दिल्ली क्यापिटल्सयात १५ रनं बुकुगु दु।
सेख ज्यायद क्रिकेट स्टेडियमय् हैदरावादं बिःगु १६३ रनया लक्ष्य दिल्ली क्यापिटल्सं निर्धारित २० ओभरय् ७ विकेटयय् १४७ रन जक दयेकेत ताःलागु खः।
दिल्लीया लागि शिखर धावनं दकलय् अप्वो ३४ रनया योगदान याःगु खः। अथेहे मेपि रिशव पन्त २८ रन, शिम्रोन हेटमायर २१ रनया योगदान याःगु खः।
बलिङय् हैदरावादया लागि राशिद खानं स्वगू विकेट, भुवनेश्वर कुमार निगु विकेट व कलेस अहमेद, थनगुरशन नटराजन छगु छगु विकेट काःगु खः।
टस त्याका न्हापा ब्याटिङ यासे हैदरावादं निर्धारित २० ओभरय् ४ विकेटय् १६२ रन दयेकूगु खः। हैदरावादया लागि जोनी बेरेस्टो न अर्धशतकीय पारी म्हितूगु ख । ४८ बलय् बेरेस्टो न ५३ रन, अब्दुल साम १२ रन, डेविद वार्नर, ४५ रन, केन विलियम्सन ४१ रनया योगदान याःगु खः।
बलिङय् दिल्लीया लागि अमित मिश्रा व कगिसो रबाड न निगु निगु विकेट काःगु खः।
Categorized in कासा