हितकरवीरया मिजला अंग्रेजी भाष न पिहावल
नृपेन्द्रलाल श्रेष्ठ | तछलाथ्व त्रयोदशी ११३९ (जुन १५ २०१९)
![](https://www.lahananews.com/sites/default/files/hi1.jpg)
बाखं च्वमि हितकरवीर सिंह कंसाकारं करिव खुइ दँ न्ह्य च्वयादिगु बाखं मुना सफू मिजलायात भाय् हिला अंग्रेजी भाषं सफू थौं छगु ज्याझ्वः दथुइ पितब्बज्या जुगु दु ।
थौं नेवाः अमेरिकन दबू, सिकागोया ग्वसालय् येँया च्वसापासाय् छगु ज्याझ्वः दथुइ मूपाँहा प्रो.डा. तेजरत्न कंसाकार व प्रो.डा. सुन्दरकृष्ण जोशी मंकाः कथं पितब्बज्या यानादिगु खः ।
च्वसापासाया नायः भुषणप्रसाद श्रेष्ठया सभाधक्ष्यताय् जुगु उगु ज्याझ्वलय् मूपाँहापिं प्रो.डा. कंसाकार व प्रो.डा. जोशी न नुँगः खँ तयादिगु खः ।
बाखं च्वमि हितकरवीर सिंह कंसाकार नं थःम्ह च्वयादिगु सफू बारे न्ववानादिगु खःसा ज्याझ्वः शशीकला मानन्धर न्ह्याकादिगु खः।
अथेहे उगु सफू कन्ह्य अमेरिकाय् न छगु ज्याझ्वः यासे पितब्बज्या जुइगु ज्याझ्वः दु ।