हलियकं निगु लाख व ९२ द्धः स्वया अप्वसित संक्रमण पुष्टि
लहनान्युज | गुंलाथ्व १२ ११४०,साउन १७ शनिवाः
![](https://www.lahananews.com/sites/default/files/uu%20%282%29_0.png)
विश्व स्वास्थ्य संगठन (डब्ल्यूएचओ) न शुक्रवाः छन्हु हलियकं निगु लाख ९२ द्धः व ५२७ म्हसित कोरोना संक्रमण पुष्टि जूगु दु । संगठनया कथं छन्हु संक्रमित पिहा वःगु थ्व हे न्हापाःगु पटक खः ।
थ्व स्वया न्ह्यः २४ जुलाई लय् निगु लाख ८४ द्धः व १९६ म्हेसित संक्रमण पुष्टि जूगु दु ।
शुक्रवाः दकलय् अप्व संक्रमित पिहा वःगु देश ब्राजिल, अमेरिका, भारत, दक्षिण अफ्रिका व कोलम्बिया खः ।
ब्राजिलय् ६९ द्धः व ७४म्ह, अमेरिकाय् ६५ द्धः ४०६, भारतय् ५५ द्धः ७८म्ह, दक्षिण अफ्रिकाय् ११ द्धः व ४६म्ह व कोलम्बियाय् च्याद्धः व ६७० म्हसित कोरोना संक्रमण पुष्टि जुगु दु धका डब्ल्यूएचओं धाःगु दु ।
डब्ल्यूएचओया कथं शुक्रवाः छन्हु हे हलियकं खुद्धः व ८१२म्हसित कोरोना संक्रमण सी धूकुगु दु ।
डब्ल्यूएचओया प्रमुखं कोरोना महामारीया असर हलियकं ताः ई तक जुइगु महसुस दु धका धया दिगु दु ।