हज कार्यसम्पादन उपसमितिका नायःलिसें १०म्हेसित भ्रष्टाचार मुद्दा दायर
लहनान्युज | ने.सं. ११३९ तछलाथ्व दशमि (१२ जुन २०१९), बुधवाः
![](https://www.lahananews.com/sites/default/files/CIAA-office-building.jpg)
हज कार्यसम्पादन उपसमितिका नायः मोहम्मद शोएबलिसें १०म्ह विरुद्द अख्तियार दुरुपयोग अनुसन्धान आयोगं भ्रष्टाचार मुद्दा दायर याःगु दु ।
२०७४ सालय् नेपाःपाखें साउदी अरबय् हज यायेत वनीपिं हजयात्रीया नितिं हवाई टिकट खरिद प्रकृयाय् भ्रष्टाचार याःगु ठहरलिसें आयोगं वय्कःपिनि विरुद्ध थौं बुधवाः विशेष अदालतय् आरोपपत्र दायर याःगु खः ।
हज कार्यसम्पादन उपसमितिया दुजः अताबुल अन्सारी, मोहम्मद ईब्राहिम राइन, मोहम्मद जबारदिन मियाँ, जमिला मियाँ, मोमिना बानु मुस्लिम, मजिबुल शेष, हज समिति सचिवालयया सदस्य–सचिव भीमराज पोखरेल, लेखापाल तिलकराज पन्त व हिना ट्राभल्स एण्ड टुर्स प्रालिया दाउद हुसैनयात नं आयोगं विपक्ष दयेकूगु दु ।
मिलमतोय् उमिसं म्हो जक अंक कबोल यायेगु हिना ट्राभल्स एण्ड टुर्सया बोलपत्र स्वीकृत यानाः ३८गू लखतका भ्रष्टाचारया आयोगं दायर याःगु अभियोगपत्रय् न्ह्यथनातःगु दु । १०म्ह विरुद्ध आयोगं म्हतिं ३८गू लखतका विगो माग याःगु दु ।
Categorized in राष्ट्रिय