स्वनिगलय् ३३९म्ह कोरोना सक्रमित
शोभा श्रेष्ठ | कछलाथ्व दुतिया ११४१, मंसिर २ मंगलवाः
![](https://www.lahananews.com/sites/default/files/valley%201_20.jpg)
वःगु २४ घण्टाया दुने स्वनिगलय् थप ३३९ म्हेसित कोरोना संक्रमित जूगु दु धका स्वास्थ्य तथा जनसंख्या मन्त्रालयं धाःगु दु।
थौं मंगलवाः संक्रमित जूपि १४६ म्ह मिसा व १९३ म्ह मिजं पिन्त संक्रमण जूगु दु धका धाःगु दु। थौं येँ जक २८९म्हेसित कोरोना सक्रमण जूगु दु धका मन्त्रालय् जानकारी बिःगु दु ।
अथेहे ख्वपय् १२ म्हेसित व यलय् ३८ म्हेसित कोरोना सक्रमण जूगु दु। वःगु २४ घण्टाय् ३ हजार ११२ म्हेसिगु पीसीआर परीक्षण याःगु खः।
Categorized in राष्ट्रिय