स्वनिगलय् कोरोना संक्रमितपि छगू लाख स्वया अप्वो जुइ धुकुगु दु।

थौं शुक्रवाः २४ घःगु दु। आःतक येँ ८१ हजार ५८८म्ह, ख्वपय् ७ हजार ३३६म्ह व यलय् ११ हजार ९४८ म्हेसित कोरोना संक्रमित जुइ धुकुगु दु।

अथेतु येँ ७१ हजार ५९१म्ह, ख्वपय् ६ हजार ४७० म्ह व यलय् ९ हजार ६३१ म्ह संक्रमणमुक्त जुगु धका मन्त्रालयं धाःगु दु। येँ जक ३१६, ख्वपय् ८३ व यलय् ८९म्ह सी धुकुगु दु।

वःगु २४ घण्टाया दुने स्वनिगलय् जक ११०७ म्ह कोरोना संक्रमित थपे जुगु दु धका स्वास्थ्य तथा जनसंख्या मन्त्रालयं धागु दु।

थौं शुक्रवाः संक्रमित पुष्टि जूपि ४८४ म्ह मिसापि व ६२३ म्ह मिजंपि खः। थौं पुष्टि जुपि येँ ८६२म्ह, ख्वपय् ७१ म्ह व यलय् १७४ म्ह न्हुपि संक्रमित थपे जुग दु।

Categorized in राष्ट्रिय