स्वक्वःगु हलिं नेवाः दवूया तःमुँज्या येँ याइगु
नृपेन्द्रलाल श्रेष्ठ | चौलाथ्व पुन्हिं ११३८ (मार्च ३१ २०१८)
![](https://www.lahananews.com/sites/default/files/l1_11.jpg)
हलिं नेवाः दवूया ग्वसालय् येँ निन्हु न्हयाःच्वंगुु हलिं नेवाः दिवस थौं क्वचाःगु दु ।
![](http://www.lahananews.com/sites/default/files/pictures/l2_1.jpg)
थौं जुगु उगु समापन समारोहय् दबूया नायः सिजन श्रेष्ठं स्वक्वःगु हलिं नेवाः दवूया तःमुँज्या येँ यायेगु धकाः न घोषणा यानादीगु दु ।
![](http://www.lahananews.com/sites/default/files/pictures/l7.jpg)
निन्हुया दु ने झींच्याःगु ज्यापौंया सहलह जुु गु खः। थौंया ज्याझ्वलय् घोषणा पत्र १११८ जारी यासें दवूया प्रवक्ता कृष्ण चखुं घोषणा यानादिगु खः । उगु जारी याःगु घोषणापत्रय् नेपाल भाषा
साहित्य, संस्कृतिया, पत्रकारीता, संकिपा बिकासया नितिं हलिं नेवाः कोष निंस्वनेगु धकाः घोषणा याःगु खः ।
![](http://www.lahananews.com/sites/default/files/pictures/l5.jpg)
थौं या हलिं नेवाः दिवस क्वचाःगु घोषणा याना दीसें दवूया नांयः सिजन श्रेष्ठं ज्याझ्वलय् तःजिक क्वचायेकेगु नितिं ग्वहालि याःपिं सकसितं सुभाय् नं देछानादिगु खः । नाप आः मार्चया दकलय् लिपाःगु शनिवाः हलिं नेवाः दिवस हनिगु जुइ धका नं थौंया ज्याझ्वलय् घोषणा यानादीगु खः ।
न्हापांगु हलिं नेवाः दिवस दवूया बरिष्ठ न्वकू दया रत्न शाक्यया संयोजनय् जुगु खः ।
![](http://www.lahananews.com/sites/default/files/pictures/l3_1.jpg)
थौंया औपचारिक ज्याझ्वः लिपा सास्कृति ज्याझ्वः नं जुगु खः ।
![](http://www.lahananews.com/sites/default/files/pictures/l6.jpg)