स्पेनिस ला लिगाया उपाधि एटलेटिको म्याड्रिडयात
बछलाथ्व द्धादशी ११४१,जेष्ठ ९ आईतवाः
![](https://www.lahananews.com/sites/default/files/madrid_0.jpg)
एटलेटिको म्याड्रिडं स्पेनिस ला लिगाया उपाधि त्याकूगु दु ।
लिगया लिपांगु कासाय् एटलेटिको म्याड्रिडं कासा त्याकाः २गू ल्याया अग्रतानाप उपाधि पक्का याःगु खः । घरेलु टोली रियल भालाडोलिडयात २–१ गोल अन्तरं बुकाः एटलेटिको च्याम्पियन जूगु खः ।
एटलेटिकों त्याकूगु कासाय् एन्जल कोर्रिया व लुइस सुआरेजं १–१ गोल याःगु दु । रियल म्याड्रिडं धाःसा घरेलु मैदानय् भिल्लारियलयात २–१ गोल अन्तरं बुकूगु दु । कासाय् एटलेटिको ३८ कासां ८६गू ल्याः कायेत ताःलात ।
रियलं धाःसा ३८गू कासां ८४ ल्याःलिसें ल्यू त्याकुमी जूगु दु । बार्सिलोनां नं लिपांगु कासा त्याकुसें स्वंगूगु थासय् लात । ७९गू ल्यालिसें थुगुसीया सिजन क्वचाःगु दु । एटलेटिको भालाडोलिडविरुद्ध न्हापांगु हाफय् १–० नां ल्यूने लाःगु खः ।
थुखे रियल म्याड्रिडं धाःसा भिल्लारियलविरुद्ध जित हासिल याःसां एटलेटिकोे त्यासें उपाधि त्याकूगु खः ।
Categorized in कासा