सुपथ मूल्य पसः थौनिसे सन्चालन जुइगु
लहानान्युज | अनलाथ्व १५ ११४०,असोज १५ बिहीवाः
![](https://www.lahananews.com/sites/default/files/pasa.jpg)
अनलाइन अर्डरपाखे मोहनि, स्वन्ति व छठ पर्व लक्षित सुपथ मूल्य पसः थौनिसे सन्चालन यायेत्यःगु दु।
खाद्य व्यवस्था तथा व्यापार कम्पनी लिमिटेड व साल्ट ट्रेडिङ कर्पोरेशन नं देय् यकं दुगु कार्यालय, डिपो, डिलर व घुम्ती पसःपाखे सुपथ मूल्य पसः चायेके त्यःगु दु।
छु भचा ध्यवा छुट नाप न्हिन्हि माःगु उपभोग्य वस्तु न्याये दइगु सुपथ मूल्यया पसः थ्व हे वइगु मंसिर ६ गते तक सञ्चालन जुइ त्यःगु खः।
येँ सिंहदरबार, टेकु, कालिमाटी, कोटेश्वर, सतुंगल, यल व ख्वपय् १६ गु थासय् सुपथ मूल्य पसः चायेके त्यःगु खः। अथेहे स्वनिगः पिने बनेपा, बिर्तामोड, विराटनगर, राजविराज, लहान लगायतया ६५ गु थासय् सुपथ पसल सञ्चालन याये त्यःगु खः।
एकीकृत सहुलियत पसलय् जाकि प्रतिकिलो न्यातका, चिं प्रतिकिलो नितका, बासमती जाकी, गेडागुडी व कर्णालीया सिमी प्रतिकिलो झीतका छुट बिइत्यःगु खः। चिनी प्रतिकेजी न्यातका छुट बिइत्यःगु दु।
अथेहे च्यांग्र्रा व खसी–बोका म्वापि प्रतिकिलो झीतका छुट बिइत्यःगु दु धका मन्त्रालयं धागु दु। उपभोक्तापिन्त डीडीसी ध्यः प्रति लिटर ३० तका छुट दइ।
मन्त्रालयया कथं येँ सिंहदरबार, टेकु, कालिमाटी, कोटेश्वर, सतुंगल, यल व ख्वपय् सहुलियत पसः दइ धका धाःगु दु।
Categorized in राष्ट्रिय