सुकुम्वासी आयोगया खँय् हलिं नेवाः दबूया आपत्ती
विकाश | बछलागा तृतीया ११४०
![](https://www.lahananews.com/sites/default/files/wno_3.jpg)
हलिंन्यंक च्वनाच्वंपिं नेवाःतय् कुसा संगठन विश्व हलिं नेवाः दबुलिं नेपाल सरकारं सुकुम्वासीतयत ६ आना जग्गा बीगु धकाः याःगु निर्णय प्रति आपत्ती प्वंकूगु दु ।
दबूया केन्द्रीय मुँज्याय् थुगु विषयस सहलह यासें हलिंन्यंक लिसें नेपालय् नं कोभिड १९ या संक्रमण न्यनाः सकलें लकडाउनय् च्वनाच्वंगु इलय् सुकुम्वासी आयोग हयेगु लिसें थुकथंया निर्णय यायेगु पायछि ज्या मखूगु धाःगु खः ।
स्वनिगःया रैथाने नेवाःतयत विस्थापित याइगु कथंया पलाः नेपाल सरकारपाखें ल्ह्वन धाःसा नेपाःया खलःपुचः सकललिसे जानाः दबूपाखें नेपाल सरकारयात अन्तर्राष्ट्रिय कानून कथं मुद्दा न्ह्याकेगु निर्णय जूगु दबूया नायः सिजन श्रेष्ठं जानकारी बियादिल ।
दबूया अनलाईन वैठकय् नेपाल लिसें अमेरिका, क्यानडा, लन्डन, इजरायल व थीथी यूरोपीय देशय् च्वनाच्वंपिं ज्यासना पुचःया दुजःतय् ब्वति दुगु खः ।
Categorized in राष्ट्रिय