साहित्यकार कृष्ण देवी बज्राचार्य मन्त
लहनान्युज | बछलाथ्व दुतिया ११३९ (मे ६ २०१९)
नेवाः न्ह्यलुवा पबित्र बज्राचार्यया मां साहित्यकार कृष्ण देवी बज्राचार्य ८८ दँय् थौं सुथसिया २ः०० ताः इलय् काठमाण्डैं मोडल अस्पतालय् मन्त ।
मदुम्ह कृष्ण देवी बज्राचार्य वःगु बिहिवाः १९ गते वासः याकेगु झ्वलय् काठमाण्डैं मोडल अस्पतालय् भर्ना जुयादीगु खः ।
मदुम्ह बज्राचार्ययात अन्तिम श्रद्धाञ्जलीया लागि ९ः०० ताः निसे १२ः०० ताः ई तक ओम बहाःया नबहीलय् तइगु धका परिवारया जःपाखे जानकारी लहनान्युजयात धाःगु दु । थौं १२ः०० बजे टेकुया जम्वोदीपय् यका दाहसंस्कार याइगु जुगु दु ।
मदुम्ह बज्राचार्यया निम्ह काय्पि नेवाः न्ह्यलुवा पबित्र बज्राचार्य व नेपाःया नांजाम्ह संगीतकार न्ह्यु बज्राचार्य खःसा म्हाय् नांजाम्ह कलाकार नगीना जोशी खः। अथेहे छय् नां जाम्ह कलाकार भिंतुना जोशी खः ।
