सहिद स्मारक ए डिभिजन लिगया उपाधि धेंधें बल्लाखय् मछिन्द्र व मनाङया दाबेदारी
थिंलागा दशमी ११४२, पुष २८ बुधवाः
![](https://www.lahananews.com/sites/default/files/foot.jpg)
सहिद स्मारक ए डिभिजन लिगय् च्यागूगु चरणया कासा क्वचाःगु दु ।
आःतक्क थ्यंवःबलय् लिग उपाधिया ब्वाज्याय् स्पष्ट निगू क्लब खनेदुगु दु । उपाधि दाबेदार टिम जुइत डिफेन्डिङ च्याम्पियन मछिन्द्र व मनाङ मस्र्याङ्दी न्ह्यःने खनेदयाच्वंगु दु ।
मछिन्द्रया न्ह्यानाच्वंगु लिगय् २० ल्याः दुसा मनाङया १९ ल्याः दु । स्वंगूगु थासय् दुगु संकटा क्लवया ४ ल्याः जूबलय् आर्मी नं ज्वलिंज्वः ल्याः लिसें धलःया प्यंगूगु थासय् दु ।
संकटा व आर्मी निगुलिं टिम शीर्ष थासय् दुगु मछिन्द्र व मनाङलिसे यक्व ल्याखं तापाःनि । लिगय् आः न्यागू चरणया कासा जक ल्यं दनिबलय् आर्मी व संकटां मनाङ व मछिन्द्रयात ल्युने लाकेत कासाय् नाटकीय लिच्वः पिकायेमानि ।
तर, आःतक्कया कासां अज्याःगु लिच्वः वइ धाये फइमखु । च्यागूगु चरणया कासा क्वचाःबलय् उपाधि दाबेदार नालातःगु थ्री स्टारं हिमालयन शेर्पायात बुकाः न्यागूगु थासय् थहांवनेत ताःलात । हिमालयन धाःसा खुगूगु थासय् कुहांवःगु दु ।
आः थ्री स्टारं शीर्ष प्यंगूया दुने लायत् थःगु हाथ्या न्ह्यब्वयेफइ । मदिक्क स्वंगूगु चरणय् च्यासल व फ्रेन्ड्स लिपांगु निगू थासय् लात । फ्रेन्ड्स च्यागूगु चरण थ्यंबलय् नं जितहीन छगू यां छगू जक टिम जुयाच्वंगु दु ।
Categorized in कासा