नेपाःया विकासय् थपूया नितिं नेपाल सरकार व विश्व बैंक दथुई १५ क्वति अमेरिकी डलर अर्थात १७ अर्ब ७८ क्वति ज्वलिंज्वया ऋण सम्झौताय् ल्हाचि तय्ज्या जूगु दु । कोभिड १९ महामारींं उत्थानशील पुनरुत्थान लिसें तसकं विपन्न व जोखिमय् लाःपिनिगु संरक्षणया नितिं व दिगो विकासया नितिं नेपाःयात उगु रकमया ऋण दूगु खः । वित्तिय सम्झौताय् नेपाल सरकार व विश्व बैंक दथुई आइतबाः ल्हाचिं तःगु खः । थुगु सम्झौताय् नेपाल सरकारपाखें अर्थ मन्त्रालयया छ्याञ्जे शिशिर कुमार ढुंगाना व माल्दिभ्स, नेपाल व श्रीलंकाया नितिं विश्व बैंकया राष्ट्रिय निर्देशक फारिस हदाद जर्भोसं ल्हाचिं तयादिगु खः । थुगु ऋण ग्वहालिं कर व भन्सार प्रणाली, सार्वजनिक लगानी व्यवस्थापन, वातावरणीय नियमन व ऋण व्यस्थापन लिसेंया लागाय् थप सुधार याना नेपाःयात अझ क्वात्तुइकेगु व हरित पुनर्निमाणय् बः जुइगु छ्याञ्जे ढुंगाना धयादिल । आर्थिक वृद्धि, पुनरुत्थान लिसें उत्थानशीलताया लागि विकास निति सहयोग सम्बन्धी न्हापांगु भ्mवया ग्वहालि तसकं जोखिमय् लानाच्वंपिनिगु संरक्षणया नितिं छ्यलिइगु विश्व बैंकं न्ह्यथंगु दु । Categorized in राष्ट्रिय