सरकारं भाइरस नियन्त्रणकया लागि माःगु ज्यायाना च्वंगु दु राज्यमन्त्री : रामवीर मानन्धर
लहनान्युज | चौलाथ्व तृतीया ११४०
![](https://www.lahananews.com/sites/default/files/Rambir-Manandhar.jpg)
सहरी विकास राज्यमन्त्री रामवीर मानन्धरं सरकारं कोरोना भाइरस नियन्त्रणकया लागि माःगु ज्या याना च्वंगु दु धका धयादिगु दु ।
नागरिक तयेगु सुरक्षाया लागि सरकारं लकडाउन याउगु खः धका धयादिसे थुुकिया पूर्ण पालना यायेत न इनाप यानादिगु खः ।
मन्त्री मानन्धरं सामान्य हेलचेक्राइँपाखे विपद् वयेफु धका धयादिसे सतर्क जुइगु हे बालागु उपाय खः ।
सरकारपाखे माःगु प्रबन्ध मिले याना च्वंगलि ग्यायेम्वाः धका धयादिगु खः ।
येँ महानगरं किटनाशक वासः छ्र्वाःका च्वंगु दुने सहरय् न छ्वाःकेगु व्यवस्था याना च्वनागु दु धका मन्त्री मानन्धरं जानकारी बियादिगु खः । अथेहे, थःथःगु नगरपालिका व वडा कार्यालयय्
क्वारेन्टाइन निर्माण नाप व्यवस्थापन याना न्ह्यने वनेत न देय् यकं नगरपालिकायात इनाप न यानादिगु दु ।
वयकलं मस्तय्त योग, ध्यान व संस्कारया बारेय् व्यावहारीक ज्ञान बिइत न अभिभावकपिन्त इनाप यानादिगु दु ।