सफू सहकारीया साहित्यिक लय् मुँज्या
राजेन्द्र रञ्जित | सिल्लाथ्व पंचमि ११३८ (जनवरी २२ २०१८)
नेपालभाषा बहुउद्देशीय सफू सहकारी संस्था लि.या ग्वसालय् च्वसापासा, कुलांभुलु, येँया हलय् साहित्यिक लय् मुँज्या जूगु दु ।
ज्याझ्वलय् मूपाहाँ कथं मथुरा साय्मि झायादीगु खःसा मुँज्या उगु संस्थाया नायः हरि प्रसाद श्रेष्ठया नायःसुइ न्ह्याःगु खः । उगु साहित्यिक मुँज्याय् मुक्कं २० म्ह साहित्यकारपिसं ब्वति काःगु खः ।
शकुन्तला महर्जनं ज्याझ्वः न्ह्याकादीगु खःसा, विमल ताम्राकारं लसकुस न्वचू तयादीगु खः ।
येँ, यल, ख्वप, किपू, भोंतया पाखें झायादीपिं च्वमिपिसं थीथी विधाया साहित्यत ब्वना न्यंकादीगु खः ।
ज्याझ्वलय् महेश मान डंगोल ‘लँजुवा’, सौरभ शाक्य, बाबु काजी सुवाल, बुद्ध नेवाः, धर्म नारायण महर्जन, पुष्प रत्न ‘स्वीटहार्ट’, राज साय्मि, सरस्वती तुलाधर, बसन्त नकःमि, कृष्ण भक्त बोडे, डा. तुयु बहादुर महर्जन, नृपेन्द्र मास्के, किरण साय्मि, किरण केन रञ्जित, धु्र्व मधिकःमि, इन्द्रमान महर्जन, शरद कसाः, शकुन्तला महर्जनपिसं थीथी विधाया साहित्य व नुगःखँ न्ह्यब्वयादीगु खः ।
किपा नेवाः सूचना केन्द्र
Categorized in राष्ट्रिय
