सन् २०३२ या ओलम्पिक खेलकुद अष्ट्रेलियाया ब्रिसबेनय् जुइगु
दिल्लाथ्व त्रयोदशी ११४१,साउन ७ बिहीवाः
![](https://www.lahananews.com/sites/default/files/oly_0.jpg)
सन् २०३२ या ओलम्पिक खेलकुद अष्ट्रेलियाया ब्रिसबेनय् ग्वसाःग्वःइगु जूगु दु ।
अन्तर्राष्ट्रिय ओलम्पिक कमिटिं म्हिगः २०३२ या ओलम्पिक व पाराओलम्पिक ब्रिसबेनय् यायेगु निर्णय याःगु खः । जापानया टोकियोय् च्वंगु् मुँज्यां उगु संस्करणया ओलम्पिक अष्ट्रेलियाय् यायेगु निर्णय याःगु खः ।
ब्रिसबेन ओलम्पिक जुलाई २३ निसें अगस्ट ८ तक्क ग्वसाःग्वइगु जूगु दु । अष्ट्रेलियाय् ३क्वःखुसिइ विश्व खेलकुदया कुम्भमेला ओलम्पिक ग्वसाःग्वःयेत्यंगु खः ।
थ्वयान्ह्यः मेलबर्न व सिड्नीइ ओलम्पिकया सुथांलाक्क ग्वसाःग्वयेज्या जुइधुकुगु दु ।
Categorized in कासा