संसदं नेपाःया न्हूगु नक्सा संशोधन विधेयक पारित
लहनान्युज | तछलागा अष्टमी ११४०,जेठ ३१ सनिवाः
![](https://www.lahananews.com/sites/default/files/Nepal-New-Map.jpg)
नेपाःया न्हुगु भू भाग लिम्पियाधुरा, कालापानी व लिपुलेक दुथ्याःगु न्हूगु राजनीतिक नक्सा सम्बन्धी संविधान संशोधन विधेयक थौं प्रतिनिधिसभां पारित याःगु दु ।
थौं शनिवाः संसदया बैठक न्हूगु नक्सा कथं निशान छाप ल्हिलेत हःगु संविधान संशोधन विधेयक दुई तिहाई स्वयां अप्व मतं पारित याःगु दु ।
उगु मुँज्याय् उपिस्थित २५८म्ह सांसदपि संशोधन विधेयकया पक्षय् मत तःगु खःसा विपक्षय् धाःसा सुयागु मत मवःगु खः ।
प्रतिनिधिसभा संसदय् कुल २७५म्ह दुजः दुगु खः ।
सरकारं न्हूगु नक्सा कथं संविधानया अनुसूची–३ संविधान संशोधनया निंतिं जेठ ९ गते संसद सचिवालयय् विधेयक दर्ता याकूगु खः ।
सरकारं न्हूगु नक्सा जेठ ७ गते जारि बियाःगु खः ।