संशोधन प्रस्ताव लितमकाःतले संसद न्ह्याके मबीगु
लहना संवाददाता | ने.सं. ११३७ थिंलाथ्व १४ (१२ डिसेम्बर २०१६)
![](https://www.lahananews.com/sites/default/files/default_images/default-image.jpg)
प्रमुख प्रतिपक्षी दल नेकपा एमालेया नायः केपी शर्मा ओलीं संविधान संशोधन प्रस्ताव लित मकाःतले संसद न्ह्याके मबीगु अडानयात हाकनं लिसा कयादीगु दु । नायः ओलीं सरकारयात संशोधन प्रस्ताव लित कयाः संविधान कार्यान्वयनया नितिं चुनावय् न्ह्यज्यायेत तकं इनाप यानादिल ।
पार्टी लिक्क लाःगु निजामति कर्मचारी संगठनया महाधिवेशनया उलेज्या यायेत नेपालगञ्ज थ्यंकादीम्ह नायः ओलीं सञ्चारकःमितलिसे खँल्हानादिसें उगु खँ धयादीगु खः । वय्कलं संशोधन प्रस्ताव अनुचित, जनचाहाना अःखः व राष्ट्रहित अःखः जूगु नं द्वपं बियादिल । प्रधानमन्त्री तक जुयादीधुंकूम्ह ओलीं पहिचानया नामय् जनतायात अलमल यायेगु व भ्रमय् लाकाः राष्ट्रिय एकता कमजोर यायेगु षडयन्त्र जुयाच्वंगु नं दावी यानादिल । जातीय व साम्प्रदायिक भावना स्यंकाः द्वन्द्वया उद्योग चायेकेत स्वःगु द्वपं बियादिसें जायज खँ ल्हानागु इलय् नश्लवादी धाःगुलिं कुंखिनादीगु दु ।
Categorized in राजनीति