संघीय समाजवादी २३ वडा अधिवेशन जुल
लहनान्युज | सिल्लाथ्व षष्ठी ११३९ (फ्रेअवरी ११ २०१९)
![](https://www.lahananews.com/sites/default/files/ss1.jpg)
संघीय समाजवादी फोरम नेपालया सहअध्यक्ष राजेन्द्रप्रसाद श्रेष्ठं “संघीयताया जननी व थुकिया नितिं ल्वानाच्वंगु पार्टी जूगुलिं ससफों जक थुकियात सही दिशा बिइफइ ।” धकाः येँ महानगरपालिका वडा न २३ या न्हापांगु वडा अधिवेशनय् थःगु नुगः खँ तयेगु झ्वलय् थथे धयादीगु खः ।
वय्कलं प्रधानमन्त्री ओलीं प्रदेशया मातहत जुइमाःगु सेवा प्रदायक जिल्ला ज्याकुथित केन्द्रया मातहत संचालन यागुली आलोचना यानादिस “थ्व संघीयतायात समाप्त यायेगु ग्रायण्ड डिजाइन खः धयादीसे गृह, शिक्षा, स्वास्थ्य प्रदेश मातहत हे जुइमाः । संघीय व्यवस्था वयेधुंकाः प्रदेश सरकारयात बाइपास यानाः केन्द्रं सिडिओ संचालन यायेमज्यू ।” धकाः थःगु नुगः खँ तयादीगु खः ।
२३ वडा समितिया नायः आशाकाजी महर्जनया अध्यक्षताय् जुगु उगु अधिवेशनय् पार्टीया केन्द्रीय सल्लाहकार समिति प्रमुखलिसें डा. महेशमान श्रेष्ठ, ३ नम्बर प्रदेशया नायः लालबहादुर तामाङ, न्वकू न्हुच्छेलाल महर्जन, केन्द्रीय दुजःलिसें महानगर इञ्चार्ज पवित्र बज्राचार्य, नेपाली कांग्रेसया येँ महानगरपालिका २३ वडाया नायः लक्ष्मण मानन्धर पिन्सं थथःगु नुगः खँ तयादीगु खः ।
समितिया दुज लक्ष्मण महर्जनं न्ह्याकादीगु उगु ज्याझ्वलय् जिल्ला दुजः केशव महर्जनं लसकुस न्वचू बियादीगु खः ।
उगु ज्याझ्वलय् येँ जिल्ला समितिया उपसचिव प्रेम शिल्पकार व दुजपिं सृजन श्रेष्ठ, मंगलरत्न ताम्राकार, राजाराम तण्डुकार सुरज महर्जन, ओमरत्न ताम्रकार, शर्मिला डंगोल लिसें २३ वडाया निर्वा्चित वडा दुजःपिं गोपाल नापित व कञ्चना हरीपिन्स न ब्बति कयादीगु खः ।