संघीय समाजवादि महिला फोरमया न्हूधाः
लहनान्यूज | चिल्लागा नवमी ११३७ (मार्च २२ २०१७)
![](https://www.lahananews.com/sites/default/files/sanghiya_0.jpg)
संघीय समाजवादि फोरम नेपालया भातृ संगठन संघीय समाजवादि महिला फोरम येँ जिल्लाया न्हूधाः क्वचाःगु दु ।
येँय् पार्टिया केन्द्रिय ज्याकुथिइ क्वचाःगु न्हूधाः कथं महिला फोरमया न्हूगु नायः गिता सिख्राकारयात ल्यःगु दु । अथे हे फुरमति ढेका मगरयात न्वकू ल्यल ।
व हे कथं छ्यान्जेय् रेणुका सिंह ल्यःगु न्हूगु कमिटिइ मीरा महर्जन ताम्राकारयात ल्यू छ्यान्जे ल्यल । इन्दु शाहियात दांभरिं ल्यःगु दु ।
न्हूगु ज्यासना पुचःया दुजलय् अमोघलक्ष्मी स्थापित, सुनिता यादव, मञ्जुला शाह, समिका बज्राचार्य, कमला ढकाल, सुमिका शिलाकार च्वनादीगु दु ।
पुलांगु ज्यासना पुचलय् न्वकू गिता सिख्राकारया सभाध्यक्षताय् जूगु ज्याझ्वलय् महिला फोरमया नायः निर्मला यादव, मू छ्यान्जे सुशीला शाक्य, महिला फोरम येँया इन्चार्ज निर्मला जयसवाल, ससफो नेपालया केन्द्रिय दुजः डा. सीमा सिंह, ससफो येँया नायः मनरत्न शाक्यं पहिचान सहितया संघीयताया आन्दोलनय् मिसातय् भुमिका लिसें मिसा हक अधिकारया खँय् नवानादीगु खः ।
Categorized in राजनीति