शेख मोहम्मद व वय्कया तिरि प्रिन्सेस हया दथुया आःतक हे थिकेगु सम्बन्ध विच्छेद
ने.सं. ११४२ थिंलागा तृतिया, २०७८ पुस ७ बुधबाः
![](https://www.lahananews.com/sites/default/files/dubai.jpg)
दुबईया अर्बपति शासक शेख मोहम्मद बिन राशिद अल मकतुम व वय्कया तिरि प्रिन्सेस हया बिन्त अल हुसेनदथुइ सम्बन्ध विच्छेद जुइत्यंगु दु ।
सम्बन्ध बिच्छेदया नितिं मकतुमं तिरियात ५०गु कोती पाउण्ड अथेधइगु थ्यंमथ्यं ८०गू अर्ब तका पुलेमालीगु जूगु दु । थुकिया नितिं बेलायती कानुनी इतिहासय् सम्बन्ध विच्छेदय् दकले उप्वः ध्यबा पूगु कथं न्हूगु रेकर्ड दयेकूगु दु ।
बेलायती उच्च अदालतं प्रिन्सेस हया बिन्त अल हुसेनयात २५गू कोती १५गू लख पाउण्ड बीमाःगु फैसला न्यंकूगु खः । हया जोर्डनया जुजु हुसेनया म्ह्याय् खः । वय्क आः ४७दँ दत । शेख मोहम्मद बिन राशिद अल मकतुम संयुक्त अरब इमिरेट यूएईया प्रधानमन्त्री खः ।
वय्कलं ६म्ह मिसातनाप ईहिपा यायेधुंकूगु दु । बेलायती अदालतं प्रिन्सेस हायायात बीगु ध्यबां निम्ह सन्तानया सुसाःकुसा, सुरक्षा बजेट, बिदा, छम्ह नर्सया तलब, कामदारया ज्याला व वय्क च्वनीगु थाय्या खर्च, छेँजःया नितिं गाडी अले छेँय् लहिनातःपिं जनावरया नितिं खर्च यायेत उलिमछिं ध्यबा पुइकूगु खः ।
Categorized in अन्तर्राष्ट्रिय