शान्ति सुरक्षा त कया नागरीक सुनुवाइ
नृपेन्द्रलाल श्रेष्ठ | सिल्लागा दशमी ११३८ (फ्रेअवरी १० २०१८)
![](https://www.lahananews.com/sites/default/files/d1_0.jpg)
महानगरिय प्रहरी वृत जनसेवा, जनसेवा सामुदायिक केन्द्र व सामुदायिक प्रहरी सेवा केन्द्र महाकालस्थान येँया ग्वसालय् थौं येँ महानगरपालिका वडा न २० य् शान्ति सुरक्षा त कया छगु नागरीक सुनुवाइ ज्याझ्वः जुगु दु ।
![](http://www.lahananews.com/sites/default/files/pictures/d3.jpg)
स्थानीय मनू तयेसं बहनी लुटे याइपि सक्रिय जुया च्वंगु, लागु वासः या दुब्र्यसनी त गल्लीइ गल्ली वया हो हल्ला याना च्वंगु बिषयलय् ध्यानकर्षण याःगु खः ।
स्थानीय मनू तयेत लिसः बिइगु झ्वलय् महानगरीय प्रहरी वृत जनसेवाया प्रहरी नायब उपरिक्षक मोहनकुमार थापां येँ मनपा २० वडाय् शान्ति सुरक्षायात कया थः तसकं गम्भिर जुया दु धासें वडाया स्थानीयया सहलहयाना न्ह्यावनीगु जुइ धका धयादीगु खः ।
![](http://www.lahananews.com/sites/default/files/pictures/d3_0.jpg)
सामुदायिक सेवा केन्दया कार्यबाहक नायः बिकासभक्त श्रेष्ठया सभाधक्ष्य जुगु ज्याझ्वलय् येँ मनपा २० वडा अधक्ष्य राजेन्द्र मानन्धर, पुर्व वडा अधक्ष्य बिजय श्रेष्ठ, कुमारी जात्रा ब्यवस्थापन समितिया नायः गौतम शाक्यं नं २० वडाया शान्ति सुरक्षायात कया थः थःपिनिगु खँ तयादीगु खः ।