नेपाल संवतया प्रवर्तक शंखधर साख्वाः व नेवाः न्ह्यलुवा नापं नेपाल संवतया न्हूदँ आन्दोलनया न्ह्यलुवाः नेता पद्मरत्न तुलाधरया झ्वाता थ्व हे वइगु मंसिर ६ गते उलेज्या याये त्यःगु दु।

थौं न्हुदँ समारोह समिति ११४१या ग्वसालय् जुगु ज्याझ्वलय् येँ महानगरपालिकाया मेयर बिद्यासुन्दर शाक्य उगु सभाय् लसकुस न्वचु तयेगु झ्वलय् अथे धयादिगु खः।

उगु झ्वाता येँ शंखधर पार्क (पुलांगु रत्न पार्क) दुने तयेगु धका कनादिगु खः।

मेयर शाक्य झ्वाता तयेगु लागिु ज्या दक्को पू  वने धुकुगु दु धका धयादिसे झ्वाता तयेगु लागि महानगरपालिका सर्वसम्मतं निर्णय जुगु धका धयादिगु खः।

Categorized in राष्ट्रिय