विश्वकप टि–ट्वेन्टी क्रिकेटय् इंग्ल्याण्डं अष्ट्रेलियायात बुकल
कौलागा दशमी ११४१, कात्तिक १४ आइतबाः
![](https://www.lahananews.com/sites/default/files/england_1.jpg)
विश्वकप टि–ट्वेन्टी क्रिकेटय् अष्ट्रेलियायात बुका इंग्ल्याण्ड सेमिफाईनल लिक्कसं थ्यंगु दु ।
युएईया दुबईय् वंगु चान्हय् जूगु कासाय् इंग्ल्याण्डं अष्ट्रेलियायात ८गू विकेटं बुकुगु दु । अष्ट्रेलियां बिउगु सच्छि व २६गू रनया सामान्य आज्जु इंग्ल्याण्डं ११गू ओभर ४ गः बलय् २गू विकेट तंका पूवंकुगु खः ।
उमिगु नितिं जोस बट्लरं अविजित ७१गू रन मुन । थ्वयान्ह्यः न्हापा ब्याटिङ याःगु अष्ट्रेलियाया आरोन फिन्चं ४९गू रन दयेकेधुंका टोलीं २०गु ओभारय् अलआउट जुइन्ह्यः सच्छि व २५गू रन दयेकुगु खः ।
कासा त्यागु लिसें इंग्ल्याण्डं विश्वकप टि–ट्वेन्टी क्रिकेटया सेमिफाइनलय् थ्यनेगु संभावना क्वात्तूकुगु दु । मदिक्क ३गू कासा त्याका इंग्ल्याण्ड ६गू ल्याः लिसें पुचःया शीर्ष थासय् दु ।
निगूगु थाय्या दक्षिण अफ्रिका व ३गूगु थाय्या अष्ट्रेलियाया उतिग्यंक ४गू–४गू ल्याः दु । म्हिगःया न्हापांगु कासाय् श्रीलंकायात ४ गू विकटं बुका दक्षिण अफ्रिका निगूगु थासय् थ्यंगु खः ।
विश्वकप क्रिकेटय् थौं नं निगू कासा जुइ । थौं अफ्गानिस्तान व नामिबिया लिसें भारत व न्युजिल्याण्ड दथुइ कासा जुइ ।
Categorized in कासा