विवाद वयेवः पद्मश्री पुरस्कार व सम्मान रद्द
लहानान्युज | अनलाथ्व त्रयोदशी ११४०,असोज १३ मंगलवाः
![](https://www.lahananews.com/sites/default/files/mod.jpg)
खेमलाल–हरिकला लामिछाने प्रतिष्ठानपाखे बिया वया च्वंगु पद्मश्री पुरस्कार व सम्मान थुगु पटक विवाद वःगु दु ।
पद्मश्री पुरस्कारपाखे पुरस्कृत उपन्यास ‘हंस’या च्वमि सञ्जीव उप्रेती नं मेम्ह सम्मानित जुम्ह साहित्यकार मोदनाथ प्रश्रित नाप छगु हे मञ्च च्वना काये मखु धाःगुलि साहित्यकार मोदनाथ प्रश्रित थःगु चरित्र हत्या याःगु धासे पद्मश्री सम्मान ग्रहण मयायेगु धका विज्ञप्ति पिकाःगु खः ।
वया लिपा उपन्यासकार सञ्जीव उपे्रती न थःम्हेस्या पद्मश्री पुरस्कार मकायेगु घोषणा याःगु खः ।
पद्मश्रीपाखे पुरस्कृत व सम्मानित निम्ह स्रष्टापिन्स पुरस्कार व सम्मान मकायेगु घोषणा लिपा खेमलाल–हरिकला लामिछाने प्रतिष्ठानया अध्यक्ष जीवा लामिछाने म्हिगः छगु विज्ञप्ति जारी यासे थुगु दँया पद्मश्री पुरस्कार व पद्मश्री सम्मान रद्द यायेगु निर्णय यानागु धका जानकारी बिःगु दु।
Categorized in राष्ट्रिय