विपक्षी दलया खँ तये धुका प्रधानमन्त्रीं लिसः बिइगु खः नेता देउवा
लहनान्युज | तछलागा पारु ११३९ (जुन १८ २०१९)
![](https://www.lahananews.com/sites/default/files/sherbahadur-deuwa.jpg)
विपक्षी दलया नेता न्हापा न्ववायेकि प्रधानमन्त्रीं न्हापा न्ववायेगु धका विवादया कारण थौं मंगलवा संसद अवरुद्ध जुगु खः ।
कांग्रेसया सांसदपिन्स थःगु दलया नेतायात न्हापा खँ तयेगु ई मबिस्य प्रधानमन्त्री केपी शर्मा ओलीयात ई बिगु नि संसदय् नारावाजी याःगु खः ।
थौं विपक्षीया नाराबाजीया कारणं रोष्टम थ्यंगु इलय् प्रधामनमन्त्री ओली तक सम्बोधन मयासे लिहा वःगु खः ।
बैठक लिपा कांग्रेस नेता देउवां विपक्षी दलया नेतां न्ह्यसः तये धुका प्रधानमन्त्रीं उकिया लिसः बिइगु प्रचलन दु धका धयादिगु खः ।