विद्यादेवी भण्डारी राष्ट्रपतिं निर्वाचित
लहनान्युज | चिल्लागा एकादशी ११३८ (मार्च १३ २०१८)
![](https://www.lahananews.com/sites/default/files/bbbb.jpg)
राष्ट्रपति विद्यादेवी भण्डारी निक्वःगु कार्यकालया लागि निर्वाचित जुया दीगु दु ।
थौं जु्गु राष्ट्रपतिया ल्यःज्याय् वर्तमान राष्ट्रपति भण्डारी व कांग्रेसया कुमारी लक्ष्मी राई चुनावी मैदान दुुगु खः ।
वाम गठबन्धनया उम्मेदवार भण्डारीं दुई तिहाई स्वया अप्वो मत हया राष्ट्रपति जुयादीत ताःलागुु दु । भण्डारीें ३९ द्धः २७५ मतभार कयादीगु खःसा राई नं ११७३० मतभार कयादीगु खः ।
भण्डारीयात २४५ संघीय सासद व ४१५ प्रदेशसभा सदस्यं मत बिगु खःसा राईयात ७८ संघीय सांसद व ११६ प्रदेशसभा सदस्यं मत बिगु खः ।
थौं जुगु निर्वाचनय् संघीय संसदया ३३१ म्ह व प्रदेशसभाया ५३६ म्ह सदस्यं मतदाता याःगु खः ।
संघीय संसदया न्याम्ह व प्रदेशसभाया झींप्यम्ह सदस्यं थौंया मतदान ब्बति मकाःगु खः ।
संघीय संसदया छम्ह सदस्य याःगु मतभार ७९ खःसा प्रदेशसभा सांसदया मतभार ४८ दुु ।