विजेता इटालीया नायक खेलाडी पाओलो रोसी मन्त
लहानान्युज | कछलागा दशमी ११४१, मंसिर २५ बिहीवाः
![](https://www.lahananews.com/sites/default/files/pawal.jpg)
सन् १९८२ या विश्वकप विजेता इटालीया नायक खेलाडी पाओलो रोसी थौं बिहीवाः ६४ दँय् मन्त ।
इटालीे टीभी च्यानल राइ स्पोर्टसं रोसी मदुगु पुष्टि याःगु दु। वयक याःगु उत्कृष्ट प्रदर्शनं इटाली स्वक्वःगु विश्वकप त्याकूगु खः।
रोसी राइ स्पोर्टसय् फुटबल पण्डितया रूपं ज्यायाम्ह खः। रोसीं सन् १९८२ या विश्वकपय् निगु चरणय् ब्राजिलविरुद्ध इटालीया लागि ह्याट्रिक याःगु खः। अथेहे सेमिफाइनलय् पोल्यान्ड विरुद्ध २–० गोल वयागु नामय् दु । वयकलं पूरा कासाय् खुगु गोल याःगु खः।
अथेहे घरेलु फुटबलय् युभेन्ट्स व मिलानया लागि तक म्हितूगु दु । वयकलं निकः सिरी ए उपाधि व छकः छकः युरोपियन कप व कोपा त्याकूगु खः ।
Categorized in कासा