ल्वहंकःमि समाजया दँमुँज्या जुल
नृपेन्द्रलाल श्रेष्ठ | थिंलाथ्व दशमी ११३८ (दिसेम्वर १७ २०१८)
![](https://www.lahananews.com/sites/default/files/1_43.jpg)
ल्वहंकःमि (शिल्पकार) समाजया झिंप्यक्वःगु दँमुँज्या जोम्बहाः यलय् च्वंगु आगंछेँय् जुल ।
समाजया नायः मोतिलाल शिल्पकारया सभाध्यक्षताय् जूगु उगु ज्याझ्वलय् वय्कलं ज्या जंक्व क्वचाय्धुंकूपिं प्यम्हेसित हनादीगु खःसा थुगुसी एसइइ, प्लस टु व स्नातक उत्तीर्ण यानादीपिं स्वम्हेसित “मोति शिक्षा सिरपाः” लःल्हानादीगु खः ।
ज्याझ्वलय् नेपालभाषा मंकाः खलः, यलया नायः ऋषिप्रसाद श्रेष्ठ, यल महानगरपालिका वडा ल्याः १६या नायः निर्मलरत्न शाक्य, बाराही समाजया नायः पुष्परत्न बाराही, राजकर्णिकार समाजया नायःलिसें थीथी समाजया प्रतिनिधिपिं पाहाँकथं झायादीगु खः ।
हेराशोभा शिल्पकारं न्ह्याकादीगु उगु ज्याझ्वलय् उपस्थित जुयादीपिं सकलसित समाजया न्वकू अनिल शिल्पकारं सुभाय् देछानादीगु खः ।