लोकंव्हाःम्ह म्येहालामि जर्ज माइकल मन्त
लहनान्यूज | थिंलागा त्रयोदशि ११३७ (डिसेम्बर २६ २०१६)
![](https://www.lahananews.com/sites/default/files/george.jpg)
लोकंव्हाःम्ह पप म्येहालामि जर्ज माइकल ५५दँया बैंशय् मन्त ।
मदुम्ह जर्ज माइकलया मेनेजर माइकल लिपमायनं हर्टफेलया हुनिं वयकःया मृत्यु जूगु न्ह्यथंगु दु । वयकःया मृत्यु थःगु हे छेँ अक्सफोर्डसायरय् जूगु धाःगु दु ।
थःगु सांगितिक करीअरय् वयकःया १० करोड स्वयां नं आपाः एल्बम विक्रि जूगु दु । लिसें फ्रिडम, केयरलेस व्हिसपर वयकःया तसकं लोकं व्हाःगु म्येत खः ।
सन् २०१४य् पिदंगु सिम्फोनिका वयकःया लिपांगु म्येचाः खः ।
![](http://www.lahananews.com/sites/default/files/pictures/Untitled-1_0.jpg)
वंगु प्यंगू दशक न्ह्यःनिसें अंग्रेजी पप म्ये ख्यलय् सक्रिय म्येहालामि जर्ज माइकलया सांगितिक यात्रा व्हाम नांया सांगितिक पुचलं जूगु खः ।
वयकःया सांगितिक पुचः व्हामया लास्ट क्रिसमस धइगु म्ये नं अतिकं लोकं व्हाः । संजोग हे धायेमाः वयकःया मृत्यु नं क्रिसमसया हे दिनय् जुल ।
Categorized in मनोरन्जन