लिभरपुलयात ३–२ गोलं वेष्ट ह्यामलिसे बुत
कछलाथ्व चतुर्थी ११४२, कात्तिक २२ सोमबाः
![](https://www.lahananews.com/sites/default/files/west%20ham.jpg)
इंग्लीश प्रिमियर लिग फुटबलय् वेष्ट ह्याम युनाइटेडं लिभरपुलयात ३–२ गोलं बुकाब्यूगु दु ।
वंगु चान्हय् वेष्ट ह्यामया ख्यलय् जूगु कासाय् लिभरपुलया गोलक्षक एलिसनं प्यंगूगु मिनेटय् हे आत्माघाति गोल यायेधुंकाः घरेलु टोलीं अग्रता काःगु खः । व धुंकाः टोलीया लागिं डिएगो फोर्नाल्स व कर्ट जुमां १, १ गोल यात ।
बूगु टोली लिभरपुलया अलेक्जेण्डर आर्नोल्ड व डिभोक ओरिगीं १, १ गोल यात । कासा त्याःगुलिसें वेष्ट ह्याम युनाइटेडं प्रिमियर लिगया उपाधि दावेदारय् थःत नं थंगु दु । डेभिड मोयजया टोली वेष्ट ह्यामं ११ कासां २३ ल्याः मुंकाः धलःयानिगूगु थासय् दुगु म्यान्चेस्टर सिटीलिसे ल्याः ज्वलिंज्वः याःगु दु ।
शिर्ष थाय्या चेल्सीया २६ ल्याः दुसा २२ ल्याःलिसें लिभरपुल प्यंगूगु थासय् कुहांवंगु दु । प्रिमियर लिगया हे मेगु कासाय् वंगु चान्हय् आर्सनलं वाट्फोर्डयात १–० बुकूबलय् एभर्टन व टोटनह्याम हट्सपरं गोल मजूगु अले लिड्स युनाइटेड व लेष्टर सिटीं १, १ गोलया ज्वलिंज्वः म्हितूगु दु ।
Categorized in कासा