रुपन्देही व दाङय् छम्ह छम्ह कोरोना संक्रमितपि मन्त
लहानान्युज | अनलागा ८ ११४०,असोज २४ शनिवाः
![](https://www.lahananews.com/sites/default/files/2dae_17.jpg)
रुपन्देही व दाङय् छम्ह छम्ह कोरोना संक्रमितपि वासः यायेगु झ्वलय् मदुगु दु। रुपन्देहीया शुद्धोधन गाउँपालिका–६ या ५७ दँ दुम्ह कोरोना विशेष अस्पताल बुटवलय् शुक्रवाः न्हिनय् मदुगु दु खः।
असोज १९ गते प्रादेशिक अस्पताल वासः याकेगु झ्वलय् उगु हे दिं कोरोना पुष्टि जुइवं कोरोना विशेष अस्पताल भर्ना जुगु खः। अस्पतालया सूचना अधिकारीया कथं संक्रमित क्षयरोगया दीर्घरोगी खः। थ्व नाप रुपन्देहीइ कोरोना संक्रमित जुया मदुपि ३४ म्ह थ्यःगु दु।
अथेहे दाङया घोराही या १५ दँ दुम्ह कोरोना संक्रमण मदुगु दु। कोरोना पुष्टि जुइवं नेपालगन्ज मेडिकल कलेज कोहलपुरय् भर्ना जुम्ह वासः यायेगु झ्वलय् वयागु शुक्रवाः बहनि ८ः३० बजे मदुगु धका स्वास्थ्य कार्यालय बाँकेया कोरोना फोकलपर्सनं पुष्टि याःगु दु।
मदुम्ह १९ गते कोरोना पुष्टि जुगुलि प्लाज्मा थेरापीया बिधिं वासः यायेगु झ्वलय् मदुगु खः। थ्व नाप अन सीपि १२ म्ह थ्यःगु दु।
Categorized in राष्ट्रिय