रियलं ग्रानाडायात २–० त्याकल
लहनान्युज | थिंलाथ्व दशमी ११४० पुस ८ बिहीवाः
![](https://www.lahananews.com/sites/default/files/real_10.jpg)
रियल मड्रिडं स्पेनिस लिगय् एट्लेटिको मड्रिडनाप अंक बराबरी जूगु दु।
ग्रानाडाया घरेलु मैदानय् जूगु कासाय् रियलं ग्रानाडायात २–० त्याकूगु दु। आः लिगय् शीर्ष स्थानय् दुगु एट्लेटिको व रियल मड्रिडया समान ३२ ल्याः दु।
एट्लेटिको नं रियल स्वया निगु कासा कम म्हितूगु दु। न्हापागु हाफय् गोल मजुसे बराबरी जूगु खःुा रियलं लिपागु हाफ निगु गोल यायेत सफल जूगु खः।
कासाय् ५७ गु मिनेटय् कासमिरोले गोल यासे रियलयात अग्रता बिःगु खः। इन्ज्यूरी इलय् बेन्जिमा नं छगु गोल यासे रियलयात २–० गोल त्याकूगु खः ।
थुगु सिजनय् बेन्जिमां ला लिगाय् च्याःगु गोल याये धुकुगु दु। थुगु कासा लिपा रियलया १५ गु कासाय् ३२ अंक दु । अथेहे शीर्ष स्थानया एट्लेटिकोया १३ गु कासाय् ३२ अंक दु ।
Categorized in कासा