राष्ट्रियसभाय् १७ म्ह सांसदपिं निर्विरोध
लहनान्युज | सिल्लाथ्व सप्तमि ११३८ (जनवरी २४ २०१८)
थ्व हे वइगु माघ २४ जुइगु राष्ट्रियसभाया निर्वाचनय् थौं मनोनयन दर्ता यायेगु झ्वलय् ५६ म्ह मध्यय् १७ म्ह सांसदपिं निर्विरोध निर्र्वािचत जुगु दु । बाकि दुपिं ३९म्ह सांसदपिं वइगु २४ गतेय् एकल संक्रमणीय विधिपाखें मतदान जुइगु दु ।
थौं बुधवाः न्ह्ययेगु हे प्रदेशय् जम्मा ८३ म्हेसिया उम्मेदवारी बिगु खः ।
उम्मेदवारी दर्ता जुगु मध्यय् प्रदेश ल्याः १, २, ५ व ७ य् थः थे सांसदपि निर्विरोध जुगु खः । अथेहे प्रदेश ३, ४ व ६ खय् धाःसा च्यागु हे सिटय् चुनाव जुइगु दु ।
राष्ट्रिय सभाया लागि प्रत्येक प्रदेशपाखें स्वम्ह मिसा, छम्ह दलित, छम्ह अपाङ्ग वा अल्पसंख्यक नापं स्वम्ह खुल्ला प्रतिस्पधापाखें याना जम्मा च्याम्ह राष्ट्रिय सभा सदस्य जुइगु संवैधानिक प्रावधान दु ।
राष्ट्रिय सभाय् निर्विरोध निर्वाचित जुपिं थुकंथ दु ।
प्रदेश १ पाखें स्वम्ह मिसा सदस्यया लागि एमालेया नैनकला ओझा, माओवादीया विना पोखरेल व कांग्रेसया सरिता प्रसाइया जकः उम्मेदवारी बिगु खः । यदि उमिगु दाबी विरोध प्रक्रियापाखें उम्मेदवारी खारेज मजुसा उपिं निर्विरोध निर्वाचित जुगु घोषणा जुइगु निर्वाचन आयोगं धाःगु दु । अथेहे प्रदेश २ पाखे न्याम्ह सदस्य निर्विरोध जुगु दु । खुलातफ पाखें स्वम्ह सदस्यया लागि ४ म्हसियां उम्मेदवारी बिगु दु ।
मिसाया स्वगु सीटय् माओवादीं शशीकला दाहाल, कांग्रेसं मुक्ताकुमारी यादव व फोरमया प्रमिला यादवया जकः उम्मेदवारी लागु दु। अथेहे दलित कोटाय् फोरमया रामप्रीत पासवान व अल्पसंख्यकपाखें राजपा उपाध्यक्ष वृषेशचन्द्र लालया जकः उम्मेदवारी लागु दु ।
प्रदेश ३ व ४ य् च्यागु हे सिटय न मतदान जुगु दु ।
प्रदेश न. ५ पाखें राष्ट्रियसभाय् स्वम्ह मिसा सदस्य एमालेया कोमल वली, मीना बुढा व कांग्रेसकी अनिता देवकोटा निर्विरोध निर्वाचित जुगु दु ।
प्रदेश ६ खय् दक्को हे सिटय् चुनाव जुइगु दु ।
प्रदेश ७ पाखे खुला व मिसा स्वम्ह स्वम्ह सदस्य निर्विरोध निर्र्वािचत जुगु दु् । दलित व अपाङ्ग नाप अल्पसंख्यक सिटया लागि जकः चुनाव जुइ ।
