राष्ट्रियसभां गुठी विधेयक लितकाल
लहनान्युज | तछलागा अष्टमी ११३९ (जुन २५ २०१९)
विवादास्पद गुठी सम्बन्धी कानूनयात संशोधन व एकीकरण यायेत दयेके त्यःगु विधेयक राष्ट्रियसभां लितकाःगु दु ।
भूमिसुधारमन्त्री पद्मा अर्यालं बिधयेक लित कायेगु प्रस्ताव थौं मंगलवाः तःगु खः । उगु प्रस्ताव थौं राष्ट्रियसभापाखे पास जुगु खः ।
विधेयकयात कया आन्दोलन चके जुइवः सरकारं विधेयक लित कायेगु घोषणा याःगु खः ।
थुगु गुठी विधेयक
बैशाख १७ गतेः विधेयक राष्ट्रियसभाय् दर्ता ।
बैशाख १९ गतेः विधेयक सांसदपिन्त वितरण ।
जेठ ६ गतेः राष्ट्रियसभाय् प्रस्तुत ।
जेठ १३ गतेः विधेयकयात राष्ट्रियसभा बैठकय् सामान्य छलफल ।
जेठ १९ गतेः गुठी संरक्षण पुचः पाखे. विधेयक सम्पदा विरोधी जुगु धाःसे पुनर्विचार यायेत माग ।
जेठ २८ गतेः विधेयकया विरोधय् माइतीघर मण्डलाय् प्रदर्शन । प्रहरीं लः या फोहरा छ्वाकुगु ।
जेठ ३१ गतेः दाङय् गुठी विधेयकया पक्षय् व यलय् विरोधया पक्षय् प्रदर्शन ।
असार १ गतेः विधेयकया विरोधय् ख्वपय् व जनकपुरय् प्रदर्शन ।
असार २ गतेः प्रधानमन्त्री केपी शर्मा ओलीपाखे बालुवाटारय् स्वनिगलय् निर्वाचित नेकपाया सांसदपिं नाप छलफल ।
असार ३ गतेः सरकारपाखे विधेयक लित कायेगु निर्णय ।
