राष्ट्रपतिं संसद अधिवेशनया आह्वान यात
लहनान्युज | चिल्लाथ्व चौथी ११३८ (फ्रेअवरी १९ २०१८)
![](https://www.lahananews.com/sites/default/files/20819701_1674308162603910_7203654766113801175_o_1.jpg)
थ्व हे वइगु फागुन २१ गते संघीय संसद अधिवेशनया आह्वान जुगु दु । प्रतिनिधिसभा निर्वाचन क्वःचागु स्वला धुकाः राष्ट्रपति विद्यादेवी भण्डारीं न्हापांगु संसद अधिवेशन आह्वान याःगु खः ।
सरकारया सिफारिसय् अधिवेशन आह्वान जुगु राष्ट्रपति कार्यालय नं थौं सोमबार छगु विज्ञप्ति पिकया जानकारी बिगु खः ।
अथेहे न्हुम्ह राष्ट्रपतिया निर्वाचन नं थ्व हे वइगु फागुन २५ गते याइगु ज्याझ्वः दु ।
संघीय संसदया मुँज्या अन्तर्राष्ट्रिय सम्मेलन केन्द्र भवनय च्वनिगु जुगु दु ।