रामचन्द्र पौडेल हे सभापतिया साझा उम्मेदवार जुइ, नेता अर्जुननरसिंह केसी
लहनान्युज | थिंला सप्तमी ११४२, मंसीर २३ शुकवाः
![](https://www.lahananews.com/sites/default/files/arjun.jpg)
नेपाली कांग्रेसया नेता अर्जुननरसिंह केसीं संस्थापनइतर पक्षपाखे रामचन्द्र पौडेल हे सभापतिया साझा उम्मेदवार जुइ धका दावी याउगु दु।
आःतक छलफल याना च्वसा नेतापिन्स छु न निष्कर्ष मवंगुलि पौडेल हे साझा उम्मेदवार जुइ धका धाउगु दु। केसीं धाउगु दु– शेखर व प्रकाशमान सहमतिइ मवसां रामचन्द्र हे साझा उम्मेदवार जुइ।
थौंनिसे सुरु जुइगु कांग्रेसया १४ क्वःगुं महाधिवेशनय् संस्थापनइतर पाखे प्यम्ह सभापतिया पदय् दावी याना वयाच्वंगु खः। अथेहे, प्रकाशमान सिंह व शेखर कोइराला धासा थः हे साझा उम्मेदवार जुइमाःगु मजुसां सभापतिइ उम्मेदवारी बिइ धका धया वयाच्वंगु खः।
Categorized in राष्ट्रिय