येँ महानगरपालिकाया मेयर विद्यासुन्दर शाक्यं कमलपूखुलि पुर्ननिर्माणया ज्या सन्तोष जनक मजुगुू धका धयादिसे अनुगमनयासे मेयर शाक्य अथे निर्देशन बियादिगु खः। ६ करोड ३६ लाखया लगानीं निर्माण जुया वयाच्वंगु उगु पूखु क्वछिना तःगु इलय् हे क्वचायेकेत निर्देशन बियादिगु खः।

ज्या जुयाच्वंगु ढिला जुयाच्वंगु धइगु गुनासो वःगुलि थःहे स्थलगत अनुगमनया लागि वयाःगु धका मेयर शाक्यं धयादिगु खः, ‘येँ महानगरपालिकां आर्थिक अभाव धका त्वहँ चिना वा छु न बहानाय् ज्या ढिला याये मज्यु।’ करीब २३ रोपनी १४ आना क्षेत्रफलय् दु। ‘पूखुया अस्थित्व ल्यंका तयेत पुर्ननिर्माणया ज्या न्ह्याकगु खः धका धयादिगु खः।

मेयर शाक्य छठया इलय् व्रत च्वनेत व उगु नखः हनेयेगुसमेत सहज जुइ कथं निर्माण ज्या जुयाच्वंगु धका जानकारी बिःगु खः। कला व संस्कृतियात स्वाये कथं जुइगु न धाःगु दु। शहरी योजना आयोगया उपाध्यक्ष सरोज बस्नेतं थुगु पूखु बास्तुशास्त्रया आधारीत कया निर्माण जुयावया च्वंगु जानकारी बियादिगु खः।

आयोगया कथं पूखुलि दुहा वयेकेत लुँखाः दुहावये वलय् हे नेपाली स्वरुप बिइ कथं निर्माण यायेत नेपाःया अप्पा व दर्शन ल्ह्व छ्यालागु दु धका धयादिगु खः। इन्जिनियर प्रेम श्रेष्ठं जेठा जेठीपिन्त ध्यानय् तया निर्माणया ढाँचा तयार यानागु अन बहनि न न्ह्यिइपुकथं ब्यवस्था यानागु दु धका जानकारी बियादिगु खः।

निर्माण व्यवसायी अर्जुन कडेँल व इन्द्र सिटौलां ४५ प्रतिशत ज्या क्वचाये धुकुगु धका अनुगमनया वःपि मेयर शाक्य, येँ महानगरपालिकाया प्रमुख प्रशासकीय अघिकृत राजेश्वर ज्ञवाली, वडाध्यक्ष भरतलाल श्रेष्ठपिन्त ज्या थ्व हे फागुन मसान्तय् सम्पन्न याना महानगरयात हस्तान्तरण यायेगु प्रतिवद्धता क्यनादिगु खः।

Categorized in राष्ट्रिय