येँ मनपा १७ वडा थौं न राहत इन
नृपेन्द्रलाल श्रेष्ठ | चलाथ्व एकादशी ११४०, २२
![](https://www.lahananews.com/sites/default/files/17%20%282%29.jpg)
कारोनाय भाइरसया सम्भावित संक्रमणया कारण प्रतिकूल इलय् सरकारं लकडाउन घोषणा याःगु खः । थुगु इलय् न्हिथं ज्यायाइपिन्त नयेगु समस्या जुगु दु ।
थुगु इलय् स्थानीय जनप्रतिनिधिपि नं राहत इनेगु ज्याय् सक्रियात कथं न्ह्यावना च्वंगु दु ।
येँ महानगरपालिका १७ वडा अधक्ष्य नबिन मानन्धरया नेतृत्वय् थौं क्वाः बहाः, थँहिति व बिज्यापु १४० परिवारयात राहत इने ज्या जुगु दु ।
थौं काठमाण्डौं राउण्ड टेबुलपाखे १०० गु परिवारयात व चाटरा एकाउण्ड समिटिपाखे ४० गु परिवारयात ग्वाहालि याःगु खः ।
अथहे, कन्ह्य भुडि गणेद्य थासं सुरुयाना इखापुखु, हारति होटेल, खलीगा मार्ग, ढल्को जुया छत्रपाटी राहात इनेगु ज्याझ्वः दु धका वडाध्यक्ष मानन्धरं लहनान्युजयात जानकारी बियादिगु दु ।