येँ मनपाय् जनताया चुल्हो नामं निःशुल्क नयेगु ब्यवस्था
लहनान्युज | बछलाथ्व अष्टमी ११४०, बैसाख १९ शुक्रवाः
![](https://www.lahananews.com/sites/default/files/15_4.jpg)
येँ महानगरपालिकाया मेयर विद्यासुन्दर शाक्यं मनपाया १५ वडाय् चःमतिया बृद्ध पार्कय् जनताया चुल्हो निरिक्षण यानादिगु दु ।
निरिक्षणय् येँ कामपा प्रवक्ता एवं १५ वडाया अध्यक्ष ईश्वरमान डंगोल, मेयर शाक्य व शहरी पुर्वाधार बिकास बिभागया प्रमुख राम थापा न अन नका च्वःगु नँसाःया जाँच यानादिगु खः ।
मेयर शाक्य नँसाया स्वाद व गुणस्तरय् छु न कम मजुगु १५ वडाय् जनताया चुल्हो ज्याझ्वः तसक प्रभावकारी जुगु धका धयादिगु खः ।
चमति नेवाः खलः व चःमति टोल सुधार समितिं उगु ज्याया लागि समन्वय बैशाख १७ गते निसे जनताया चुल्हो मार्फत लकडाउनय् समस्या दुपिन्त जा नकेगु याना वयाच्वंगु खः ।
थौंकन्ह्य कोरोना भाइरस (कोभिड–१९) या संक्रमणं बचे जुइत देय् यक लकडाउन याना तःगुलि विपन्न मजदुर परिवारपिन्त तसक थाकुया वयाच्वंलि जनतायो चुल्हो नाम ज्या न्ह्याना वयाच्वंगु खः ।
भुइख्यलय् वःगु चैत २९ गते निसे कामपा १५ वडां जा नकेगु व्यवस्था याना वयाच्वंगु खः । बैशाख १७ गते मंगलवाः निसे चःमति व जन गल्लीइ व बैशाख १८ गते निसे बुद्ध पार्कय् स्थानीय टोलसुधार समिति पाखे जनताया चुल्हो मार्फत जा नकेगु याना वयाच्वंगु खः ।