येँ नागरीक सुनुवाइ जुल
नृपेन्द्रलाल श्रेष्ठ | सिल्लाथ्व चतुर्दशी ११३८ (मार्च १ २०१८)
![](https://www.lahananews.com/sites/default/files/28279147_574907066175885_8927360539967370906_n.jpg)
येँ जनसेवा सामुदायिक केन्द्र व सामुदायिक प्रहरी सेवा केन्द्र महांकालस्थानया ग्वसालय् नागरीक सुनुवाइ नाप लशकुस नाप विदाइ ज्याझ्वः जुगु दु ।
उगु ज्याझ्वलय् विषेश पाँहा कथं महानगरीय प्रहरी परिसर काठमाण्डौया प्रमुख प्रहरी बरीष्ठ उपरीक्षक विश्वराज पोखरेलजुं येँ शान्ती सुरक्षाया लागि थःम्ह माःगु यायेत तयार दु धयादीसें अपराधीक क्रियाकलापय् न्ह्यामास्वया यासां कार्यवाहि यायेत थः तयार दु धयादील ।
![](http://www.lahananews.com/sites/default/files/pictures/28279533_574907336175858_8573868796337603603_n.jpg)
ज्याझ्वःया मुपाँहा येँ महानगरपालिकाया प्रमुख विद्यासुन्दर शाक्यं येँ महानगरय् विकास निर्माणया गति न्ह्यानाच्वंगु धयादीसें विकास निर्माण व भुखाचं दुनाच्वंगु देगः दयेकेगु लागि थः तयार दु धयादीसें येँयाःगु ख्वाः याकन हे ल्हिलेगु जुइ धयादीगु खः ।
जनसेवा केन्द्रया कावा अध्यक्ष विकासभक्त श्रेष्ठया सभाधक्ष्य जुगु उगु ज्याझ्वलय् पवित्र बज्राचार्यं ज्याझ्वःया बारे कनादीगु खः ।
![](http://www.lahananews.com/sites/default/files/pictures/28580259_1192656777538598_1740744156_o%20%281%29.jpg)