येँया मेयरं नेवाः भासं सपथ काल
लहनान्यूज | तछलाथ्व षष्ठी ११३७ (मे ३१ २०१७)
येँ महानगरपालिकाया नवनिर्वाचित मेयर, उपमेयरलिसें सकल जनप्रतिनिधिपिनिगु शपथ ग्रहण ज्याझ्वः येँया राष्ट्रिय सभागृहस जूगु दु ।
येँ महानगरपालिकाया मेयर विद्यासुन्दर शाक्य व उपमेयर हरिप्रभा खड्गीयात मुख्य निर्वाचन अधिकृत दिपेन्द्र अधिकारीं शपथ ग्रहण याकादिल ।
अथे हे येँ महानगरपालिकाया ३२गुलिं वडाय् निर्वाचित वडाध्यक्ष लिसें सदस्यपिन्त मेयर विद्यासुन्दर शाक्यं शपथ ग्रहण याकादिल ।
शपथ ग्रहणया झ्वलय् मेयर विद्यासुन्दर शाक्य व उप मेयर हरिप्रभा खड्गीं नेवाः भासं शपथ ग्रहण यानाद्यूगु खः ।
शपथ ग्रहणलिसें सकल जनप्रतिनिधिपिन्सं थौंनिसें हे थःथःगु पदभार ग्रहण याइगु जूगु दु । लिसें महानगरपालिका दुनेया ज्याझ्वः व योजनायात कयाः थौं हे मुँज्या नं च्वनीगु जूगु दु ।
Categorized in राष्ट्रिय
