येँया मस्जिदय् च्वंपिन्त नं कोरोना परीक्षण न्ह्याकल
लहना न्यूज | ने.सं. ११४० बछलाथ्व पारु (२४ अप्रिल २०२०), शुक्रवाः
![](https://www.lahananews.com/sites/default/files/Ghantaghar-Jame-Masjid-Kathmandu.jpg)
सरकारं येँय् च्वंगु मस्जिदय् च्वंपिं फुक्कसिगु कोरोना भाइरस (कोभिड–१९) परीक्षण शुरु याःगु दु । उदयपुरया मस्जिदय् च्वंपिं मनूतय्के कोरोनाया संक्रमण खनेदयेधुंकाः येँय् च्वंगु मस्जिदय् दुपिं फुक्कसिगु परीक्षण न्ह्याकूगु स्वास्थ्य विभागया महानिर्देशक महेन्द्रप्रसाद श्रेष्ठं जानकारी बियादीगु दु ।
विभागया महानिर्देशक श्रेष्ठयाकथं म्हिगः विहिवाःनिसें थनया मस्जिदय् च्वंपिं मनूतय्त परीक्षण पोलिमरेज चेन रियाक्सन (पीसीआर) न्ह्याकूगु खः । वय्कःया कथं म्हिगः विहिवाः ७६म्हेसिगु परीक्षण याःगु व ल्यंदनीपिनिगु थौं परीक्षण जुयाच्वंगु दु । येँय् निम्ह दुगु अनुमान याःगु दु ।
उदयपुरया त्रियुगा नगरपालिकाया भुल्केय् च्वंगु मस्जिदय् २७म्हेसिके कोरोना संक्रमण खनेदुगु खः । उपिं मध्ये स्वम्ह येँय् वंगु खंगु महानिर्देशक श्रेष्ठं जानकारी बियादीगु दु ।
Categorized in राष्ट्रिय